أولًا:- في دورة تعلم الفوتوشوب تحميل البرنامج ونُبذة عنه

السلام عليكم ورحمة الله وبركاته

اليوم موعدنا مع أولى جولاتنا مع برنامج الفوتوشوب وهذا لنتعلم معًا هذا البرنامج العملاق في تعديل الصور ومعالجتها وإنشاء التصميمات والرسومات.

وسنبدأ بحول الله وبقوته بأن أضع بين أيديكم البرنامج واخترت لكم الإصدار الثامن ولكن لماذا الثامن؟

واحد هيقولي ده إنت قديم أوي يا جدع هقوله عارف بس ليه أنا اخترت 8؟ لأن هذا الإصدار قلة في العيوب والمشاكل جدًا عن 9 أنا مجرب الإصدار التاسع على فكرة ومجرب العاشر برضو التاسع مشاكله كتير فعلا وكتير ما علق معايا وكل شغلي راح أما الإصدار العاشر فلا يوجد فيه برنامج ال ImageReady وهو برنامج مختص بعمل حركة (Animation) ولهذا فأنا اخترت الإصدار الثامن وهو فعلا يجمع مميزات كتير جدًا وأهمها هي خفته على الجهاز وهنتعرف على أشياء كثيرة بإذن الله من خلال إضافات البرنامج وتطبيق الدروس عليه.

والآن مع التحميل



اضغط هنــــــا لتحميل البرنامج كامل.

هيطلب منك عند الضغط على الموقع Username وPassword.

Username:-wenter
Password:-abc123

الرقم السري للبرنامج هو:-

1045-1207-1122-2567-5785-5871

ملحوظة:-هذا البرنامج رفع بواسطة أخي الكريم Coolman من منتديات الدبيلوإنتر وكنت أفكر إني أرفع لكم البرنامج ولكن لم يسعفني الوقت ولقيت رمضان داخل كمان كل سنة وإنتم طيبين فقلت لازم نبدأ في برنامج الفوتوشوب والإضافات بقا عشان الناس اللى هتحتاج حاجات لرمضان في التصميم أو للعيد إن شاء الله.

ده أول موضوع ليا في القسم عن الفوتوشوب المواضيع القادمة ستحتوي على:-

1-دروس لمعرفة ماهية برنامج الفوتوشوب وتطبيقات عليها.

2-إضافات للفوتوشوب (فرش-باترن-تدرجات-.....إلخ).

3-تصميماتنا لرمضان ولغير رمضان وإبداعاتنا في مجال التصميم سواء ببرنامج الفوتوشوب أو أي برنامج تاني.

4-عمل مواضيع لطلبات التواقيع والصور الشخصية والخلفيات الإسلامية فقط وإشراف نخبة من المصممين على هذا.


وبإذن الله كل ده يتحقق ولكن ده محتاج مننا وقت ومجهود مبذول من أجل نفع الناس والخير لهم ولينا لأن مفيش حد بيعمل خير في حد جدعنة هتاخد ثواب بإذن الله يعني هتاخد.


فانتظروني مع الدروس والإضافات وكل ما ذكر آنفًا وأتمنى أن أقدم لكم ولكل من سيدخل على هذا المنتدى النفع وتقديم شيء مفيد يعيننا على معرفة هذا البرنامج الضخم والتقدم فيه بخطوات ثابتة وقوية.


وأخيرًا:-آسف جدًا يا جماعة على التأخير في وضع البرنامج والبدء في التعلم وهذا لظروف خاصة فأرجو أن تعذروني في هذا التأخير وبإذن الله تنبسطوا من هذه الدورة البسيطة وياريت اللى يقدر يساعدني فيها يبعتلي ع الخاص عشان نتكلم في اللى عايزين نقدمه للناس.

والسلام عليكم ورحمة الله وبركاته.